Er a Cuira è vegnì demonstrà per dapli paja, temp e respect. A la chauma feministica che ha cumenzà sin il plaz d 'Arcas èn sa radunadas bain inqual demonstrantas. Enturn las 16:00 èn quai stadas var 70 persunas. Là han las demonstrantas zambregià cun musica e pleds da curaschi ils placats per la demonstraziun che ha cumenzà a las 17:00.
Impressiuns da la chauma
-
Bild 1 von 8Legenda: Var 400 persunas – la gronda part dunnas – èn sa radunadas per la demonstraziun a Cuira. RTR -
Bild 2 von 8Legenda: Gia tut il suentermezdi eran las dunnas sin la plazza. Là è vegnì zambregià cun musica e pleds da curaschi placats per la demonstraziun. RTR
-
Bild 3 von 8Legenda: Pledadras prendan posiziun tar ils temas paja, temp e respect. RTR
-
Bild 4 von 8Legenda: Il plaz d'Arcas a Cuira s'emplenescha. RTR
-
Bild 5 von 8Legenda: Demonstrantas sin il plaz d'Arcas a Cuira. RTR
-
Bild 6 von 8Legenda: A la chauma vegn era fatg musica. RTR
-
Bild 7 von 8Legenda: La demonstraziun a Cuira. RTR
-
Bild 8 von 8Legenda: Paja, temp, respect. Quai dumandan las dunnas a la demonstraziun a Cuira. RTR
La demonstraziun cun var 400 participantas e participants è ida tras la citad veglia da Cuira. Il motto quest onn é stà «violet, dad aut, tuts èn bainvegnì».
Ulteriuras demonstraziuns en las grondas citads
-
Bild 1 von 5Legenda: Demonstraziun a Basilea Keystone
-
Bild 2 von 5Legenda: e Genevra Keystone
-
Bild 3 von 5Legenda: Anteriura cussegliera federala Simonetta Sommaruga (PS) e cussegliera federala Elisabeth Baume-Schneider a Berna Keystone
-
Bild 4 von 5Legenda: Turitg Keystone
-
Bild 5 von 5Legenda: Demonstraziun a Losanna Keystone
A Turitg èn pliras dieschmilli persunas stadas sin via, a Losanna circa 20'000, a Genevra 8'500 ed a Basilea tranter 8000 e 9000 persunas. Intginas pretendevan l'aboliziun dal patriarchat, autras ina paja minimala, il dretg sin abort u in congedi per genitus. Plinavant datti en divers lieus acziuns pli pitschnas.