OLÁ - Da nus para vocês - In chatschader multicultural

La chatscha en il chantun Grischun ha dapi tschientaners ina gronda tradiziun. Quai cunzunt er tar la populaziun indigena. I dat dentant er auters chass. Fabio Padrun ha 18 onns è naschì e creschì si a Samedan e ha dapi in onn la patenta da chatscha. La natira è sia gronda passiun. El passenta bler da ses temp liber en la natira, saja quai sco chatschader u er durant sia lavur sco bostger.

Fabio n'è dentant betg in chatschader sco mintg'auter. Sias ragischs ha il giuven en il Portugal. Ch'in portugais va en il Grischun a chatscha na datti betg uschè savens. El sez n'enconuscha nagin auter chatschader portugais. Pertge è quai dentant uschia?

Malgrà sias ragischs portugaisas ha la chatscha ina gronda tradiziun

La chatscha ha tar la famiglia Padrun ina gronda tradiziun. Gia dapi trais generaziuns tutga la chatscha sco er la natira tar sia famiglia. Er ses bab è chatschader ed ha lavurà sco bostger. Las ragischs per sia fascinaziun èn pia gia dadas en sia uffanza. Las duas naziunalitads da Padrun sa mussan dentant durant la chatscha.

Sch'el stuess dentant sa decider tranter vacanzas en la patria u la chatscha grischuna fiss la decisiun per Fabio clera – la chatscha.

RR actualitad 17:30