L’Andrea Cavegn Beer è manadra dal hotel Posta a Rueras, ensemen cun ses um, ella ha 29 onns ed è mamma dad ina matta pitschna. Ella va dapi 10 onns a chatscha.
L’Andrea è pli viva che nus. Nus essan ils ruassaivels ed ella fa ch’i marscha.
Fundà la gruppa ha l’Andrea cul Pieder Hendry. Il Pieder è inschigner da construcziun, el ha dus uffants pitschens e 37 onns. El è il sulet da la gruppa che na viva betg en la val Tujetsch, mabain a Panaduz. Quest onn va el per la 11avla giada a chatscha.
Il Pieder è in fitg amiaivel, in legher, in fitg bun collega, ed jau hai fitg bun cun el.
Il pli versà è il Gabriel Monn. El lavura tar l’uffizi forestal da Tujetsch, el ha 57 onns e 2 uffants creschids. Quest onn va el per la 12avla giada a chatscha. Tranteren è el stà 25 onns guardiaselvaschina. En la gruppa da Cungieri è el dapi 6 onns.
El è in ruassaivel, ins po dentant discutar tut cun el. El sa gida adina, ins po sa fidar 100 pertschient dad el.
Il pulschain da la gruppa è l’Ursin Decurtins. El è scrinari, ha 20 onns e va quest onn il segund onn a chatscha, il segund onn cun la gruppa Cungieri.
L’Ursin è cool. El discurra anc pli pauc ch’il Gabriel, el è dentant in fitg in bun tip. Igl è bel dad esser cun el en gruppa, el fa, el lavura, el è innovativ.
RR actualitad 08:00
