Il favrer 2018 va Georg Brosi, il manader da l'Uffizi da chatscha e pestga en pensiun. Manà l'uffizi ha el durant 17 onns, suenter avair surpiglià il post la primavaira da l'onn 2000. Ses antecessur en uffizi è dal reminent stà Peider Ratti. Georg Brosi sez era avant stà veterinari e president communal da Scuol.
Cun il cor sin la chatscha, cun il chau anc adina en biro.
Durant la chatscha hajan adina duas olmas stuì avair plaz en ses cor. Bain è Georg Brosi mintgamai stà a chatscha – manà l'uffizi ha el però adina er anc durant quest temp. Almain quest onn na para la chatscha betg d'avair patì memia fitg. El haja tenor atgnas indicaziuns – stan gievgia suenter mezdi – sajettà dus chamutschs e dus tschiervs durant la chatscha 2017.
RR Telesguard 17:40