Il prim d'avrigl ha l'Uffizi da sanadad grischun controllà chasas d'attempads. Quatter hajan gì lura memia pauc persunal per tgirar tut las persunas en chasa.
Ina da quellas ha dapi lura chalà da prender si persunas novas. Tschellas trais hajan silsuenter chattà persunal. Da tschertgar vegn dentant adina pli stentus, quai ha Daniel Derungs, il manader da l'uniun d'ospitals e chasas d'attempads ditg.
Sfidas da chattar persunal
Pertutgadas sajan circa 10% da las chasas, di el en la «Südostschweiz». Ins possia dentant observar ch'i manca pli en pli il persunal, er gidantras e gidanters. D'ina vart giascha quai vi da las pensiuns dals babyboomers, per l'autra vi da la reputaziun plitost schletta da la professiun e las cundiziuns da lavur dapi la pandemia.
Tenor Derungs hajan cunzunt chasas d'attempads en la periferia dal Grischun sfidas da recrutar persunal.
