La direcziun da la Partida socialdemocratica SP propona danovamain Peter Peyer sco cusseglier guvernativ. L’elecziun da la regenza ha lieu ensemen cun l’elecziun dal Cussegl grond ils 15 da matg 2022.
Politicher cun experientscha e manaivel a la glieud
Peter Peyer haja pudì persvader durant sia legislatura sco cusseglier guvernativ. Gist en il cumbat cunter la pandemia haja el fatg ina buna lavur, uschia la partida. Ultra da quai mussia Peter Peyer era ch'el haja enta maun la fatschenta dal mintgadi politic. El haja tegnia ses pled e purtà in svilup al Grischun. La refurma da la giustia 3 saja sin buna via. La revisiun da la lescha davart la protecziun civila, ina organisaziun nova da la KESB ed ina revisiun da la lescha per promover la tgira da malsauns haja el purtà tras il Cussegl grond.
Al di da partida il november 2021 duai alura dar la nominaziun uffiziala.
Elecziuns 2018
Ils 10 da zercladur 2018 è Peter Peyer vegnì elegì en la regenza grischuna. Da lez temp ha el inditgà da vulair s'engaschar per dapli dunnas en posiziuns da cader, per la protecziun dal clima, da carmalar novs abitants en il chantun Grischun ed in bun in bun service public en las regiuns.
