Politicamain fatschenta il Grischun quest onn cunzunt la dumonda, cun tge sistem ch'il Cussegl grond duai en il futur vegnir elegì. Cun attenziun e brama spetga la politica dentant er sin il segund rapport da la PUK en il cas Adam Quadroni. Qua ina survista d'insaquants puncts politics impurtants:
- Il WEF n'ha quest onn betg lieu a Tavau pervi dal coronavirus.
- En la sessiun dal favrer tracta il Cussegl grond la dumonda, co las deputadas ed ils deputads duain en il futur vegnir elegids. La regenza propona in proporz dubel ubain ina maschaida tranter maiorz e proporz. Il pievel vegn lura probablamain a decider il fanadur en chaussa.
- Sin livel naziunal èn pliras iniziativas planisadas. Tranter auter «für eine Schweiz ohne synthetische Pestizide» ubain er in'inizativa da la dretga or da l'onn 2017 che tracta il scumond da purtar burca.
- Interessant vegn franc er la segunda part dal rapport da la PUK che ha intercurì il cartel da bajegiar en l'Engiadina. Ils resultats da la cumissiun dal Cussegl grond vegnan spetgads en l'emprima mesadad da l'onn. Quai rapport po forsa sclerir, tgi che ha cura gì en nua la detta – er da la politica. Vul dir, per exempel tge rolla che Jon Domenic Parolini ha giugà, ch'era lura capo da Scuol, ubain Stefan Engler, ch'era lura cusseglier guvernativ.