Durant in onn dastga Martin Wieland purtar il titel sco «pli aut Grischun» e manar las sesidas dal Cussegl grond. El surpiglia quest'incumbensa dad Alessandro Della Vedova (PCD).
- abita a Tumein
- ha 63 onns
- ortulan pensiunà
- dapi 2010 deputà en il Cussegl grond (circul Trin)
- dapi 2019 president communal da Tumein
- president da la secziun PLD Plaun
Sco vicepresidenta è vegnida elegida Aita Zanetti (PBD). L'Engiadinaisa ha survegnì 95 vuschs – 9 vuschs èn idas a ses collega da partida Walter Grass (che n'era betg nominà uffizialmain).
- abita a Sent
- naschida 1970
- pura
- maridada e mamma da 4 uffants
- dapi 2018 deputada en il Cussegl grond (circul Suot Tasna)
- 2019-2022 vicepresidenta vischnanca da Scuol
- dapi 2023 presidenta communala da Scuol
- co-presidenta da l'Allianza dal Center dal Grischun
Il Cussegl grond elegia mintga stad ina nova presidenta ubain in nov president che resta per in onn en uffizi.
