En exact dus mais, da ses 77avel anniversari, è probablamain l'ultim di da lavur da l'uvestg Vitus Huonder. Tgi che daventa ses successur resta dentant anc secret. Las propostas che vegnan fatgas al nunzi apostolic Thomas Gullickson, e lura a Roma, capitan en il secret. Dentant curseschan gia emprims nums per favurits, sco per exempel il vicari general Martin Grichting, l'uvestg auxiliar da Friburg Alain de Raemy ubain l'anteriur avat da Nossadunnaun Martin Werlen.
Co il nov uvestg duai esser è dentant pli simpel da respunder: Claude Bachman da la lavur da giuventetgna da la baselgia catolica dal Grischun avess per exempel gugent in uvestg che va dapli tranter la glieud. Mirjam Krebs da l'uniun catolica da dunnas dal Grischun vul in uvestg ch'è pli avert, cunzunt envers dunnas, e Silvia Casutt, deputada da la PCD e commembra da la suprastanza da la baselgia catolica chantunala avess gugent in uvestg transparent.
![Vitus Huonder L'uvestg Vitus Huonder demissiunescha en dus mais, e tgi daventa ses successur?](https://www.rtr.ch/static/cms/images/960w/0ab5a23.jpg)
RR actualitad 06:00