Questa tradiziun enconuschan ins era en l'Engiadina. Enpli è ella er derasada a Maiavilla ed en la Germania da l'Ost.
Pertge colurain nus ovs?
Danunder che la tradiziun da colurar ovs deriva insumma, n'è anc betg sclerì dal tut. L'ov vala dentant sco simbol per la levada da Jesus Christus. En diversas religiuns simbolisescha l'ov nova vita e renaschientscha, perquai ch'i dat nova vita or da l'ov. Gia dal temp dals Romans vegnivi decorà ovs ed er en ils tempels dals Grecs pendivan ovs colurads. En il decurs dals onns ha i dentant dà pli e pli blers usits e tradiziuns en connex cun Pasca.
Tradiziuns pli curiusas
En l'Irlanda vegnan sepulids peschs da Pasca. Quai duai simbolisar ch'il temp da gigina saja a fin.
Usits ord l'archiv
Usits da Pasca grischuns datti era da chattar en l'archiv da RTR .
