Chantun - Sandra Locher è la nova presidenta da l’uniun da la magistraglia
L’Uniun da la magistraglia grischuna ha elegì ier la deputada Sandra Locher sco nova presidenta. Ella suonda a Fabio Cantoni che n’ha betg pli candidà per ina quarta perioda d’uffizi pervi da raschuns professiunalas, communitgescha l’Uniun da la magistraglia grischuna.
A la dieta annuala da l’Uniun da la magistraglia grischuna han ils 450 participants elegì la vicepresidenta e deputada en il cussegl grond, Sandra Locher Benguerel, sco lur nova presidenta. Ella saja la persuna ideala per cuntinuar cun success il presidi da Fabio E. Cantoni ch’è sa retratg, communitgescha l’Uniun da magistraglia grischuna.
