La Lia Rumantscha pretenda ina garanzia per il provediment cun radio e televisiun en tut las quatter regiuns linguisticas. Quai scriva la Lia en sia posiziun davart il sboz per la nova Lescha federala davart las medias electronicas . Per ella na tanschan las cundiziuns da basa per il rumantsch betg ch'èn formuladas en la nova lescha. Crap da stgarpitsch è la formulaziun «en moda commensurada».
Er aspects positivs
Positiv valitescha la Lia Rumantscha che la nova lescha davart las medias resguarda tut ils chanals da derasaziun, pia era il chanal online. La lescha obligheschia la SRG SSR da concepir sias purschidas tenor ils basegns da sias gruppas en mira.
RR novitads 11:00
