-
Bild 1 von 8Legenda: Fullas d' acziunaris sa movan vers la tenda da festa. RTR, Gierina Gabriel -
Bild 2 von 8Legenda: Las radund 2300 persunas han prendì plaz en ina tenda da festa. RTR, Gierina Gabriel
-
Bild 3 von 8Legenda: Acziunariat po esser cuntent. RTR, Gierina Gabriel
-
Bild 4 von 8Legenda: Magdalena Martullo ha pudì annunziar als acziunaris ina dividenda da 17 francs. RTR, Gierina Gabriel
-
Bild 5 von 8Legenda: Il president dal cussegl d'administraziun, Ulf Berg. RTR, Gierina Gabriel
-
Bild 6 von 8Legenda: Ina radunanza generala nunusitada - cun tocs da l'opera «Die Entführung aus dem Serail» da la Schlossoper Haldenstein. RTR, Gierina Gabriel
-
Bild 7 von 8Legenda: Il sportist da motocross Alex Zanetta ha fatg in stunt per preschentar in nov product dall' EMS Chemia. RTR, Gierina Gabriel
-
Bild 8 von 8Legenda: Ils tamburs da Domat han concludì la radunanza generala. RTR, Gierina Gabriel
Radund 2300 persunas han visità la radunanza generala dalla EMS Chemie Holding SA a Domat. La mainagestiun Magdalena Martullo-Blocher ha preschentà il resultat da record per il 2016: La EMS Chemie ha pudì augmentar la svieuta netta per 4,1% sin 1,98 milliardas francs.
Era il gudogn da l’ interpresa è creschì; quai per 19% sin radund 456 milliuns francs. Quai sentan er ils acziunaris. Els pon sa legrar da 17 francs dividenda per aczia. Ils onns avant è quai stà damain cun 15 francs (per l'onn 2015) e 12 francs (per l'onn 2014).
Innovaziun e responsabladad per sasez
Dad onn tar onn po la EMS Chemie preschentar megliers resultads. Saja quai il ferm franc svizzer, il Brexit u era autras turbulenzas, ma grond donn na para tut quai betg a far a l'interpresa. Il recept per il success è tenor il president dal cussegl d'administraziun, Ulf Berg, oravant tut l'innovaziun.
Sche nus na purtain betg adina novas chaussas sin il martgà, na pudain nus betg suandar al mund che sa mida cuntinuadamain.
L' innovaziun portia autas marschas. In auter motiv per il success è tenor Berg il concept da manar: «Nus schain als collavuraturs: Ti ès responsabel e sas 90%. Il schef sa mo 10%.» Ils lavurers hajan dapli responsabladad ed uschia er la schanza da midar dapli. Uschia saja l'interpresa pli sperta e la finala era innovativa.
RR actualitad 07:00