Ils abitants che van davent, scolas serradas e bajetgs vits – savens vegn discurrì da la depopulaziun. In sguard pli exact sin la statistica mussa dentant: En general crescha la populaziun grischuna – da cumbatter cunter la depopulaziun ha surtut la Surselva.
Dapi l'onn 1980 è la populaziun creschida per 36'635 persunas – pia in plus da 22.72%. Quai tenor las cifras da l'Uffizi per economia e turissem dal Grischun e da l'Uffizi federal per statistica. Sin nivel chantunal sa mussa pia surtut il purtret da creschientscha.
Vischnancas pitschnas pateschan
Malgrà che surtut vitgs pli pitschens perdan abitantas ed abitants, vegn quai cumpensà cun la creschientscha gronda en autras vischnancas. Uschia registrescha per exempel la Surselva cun las pli bleras vischnancas che perdan abitants onn per onn tuttina ina creschientscha, grazia als gronds plus da Laax e Glion.
Film «Onn per onn pli paucs»
Avrir la boxSerrar la box
Il film da Bertilla Giossi è da vesair dumengia, ils 10 da mars 2019 en l'emissiun Cuntrasts a las 17:25 uras sin SRF1 ubain
qua
online.
