Legenda:
In luf ha stgarpà a Trun nursas en in stalla. L'Uniun purila è da l'avis che quai saja il gut che fa ir surora la but.
Keystone
cuntegn
Chantun - Il luf duai vegnir sajettà
A Trun è in luf entrà l'emna passada en ina stalla ed ha stgarpà nursas. En tut ha el stgarpà venderdi notg tschintg nursas sin intschess da la vischnanca da Trun. L'Uniun purila grischuna pretenda uss sancziuns per pudair sajettar il luf.
L’Uniun purila grischuna pretenda da l’Uffizi federal d’ambient d’adattar la basa legala en connex cun il luf. Quai en vista da
l’ultima attatga d’in luf sin nursas en ina stalla a Trun
. Cun entrar la stalla haja il luf cleramain surpassà in cunfin. En tals cas stoppia esser pussaivel da reagir immediat, scriva l’Uniun purila grischuna. La regenza grischuna duai s'engaschar che l'Uffizi federal d’ambient adatteschia la basa legala en connex cun il luf. Quai era en vista che la populaziun da lufs s'augmentia adina pli fitg.
