En ina conferenza da medias han ils iniziants preschentà ils puncts centrals da lur petiziun. Els pretendan ch’il chantun sustegna anc dapli la lavur culturala en tut sias furmas, cun dapli meds finanzials.
Chant, musica e teater cun promoziun da linguas, art ed exposiziuns - da laics u sin nivel professiunal - duessan survegnir dapli meds finanzials dal chantun.
Ils 5 da schaner 2017 ha lura lieu en la chasa dal Cussegl grond ina festa da cultura. Quella festa vegn ad esser emplenida cun pitschnas rapreschentaziuns da mintga nivel e da mintga sparta da la cultura. En quest rom vegn era surdada la petiziun al Cussegl grond.
RR novitads 14:00