Er il Center da furmaziun Surselva a Glion ha problems cun memia paucs scolars. Sco il manader da fatschenta Curdin Tuor di, èn las cifras da scolars bain constantas, dentant constant bassas.
Problems gravants cun il dumber da scolars, gliez n’han era betg las autras scolas medias en il chantun, conferman ils responsabels dal gimnasi da la claustra da Mustér, da la scola media evangelica Schiers, dal Lyceum Alpinum a Zuoz, da l'Academia Engiadina a Samedan e da la scola alpina sco era dal gimnasi da sport a Tavau. A Zuoz saja il dumber da scolars schizunt creschì il davos onn.