En la chasa da terapia Fürstenwald a Cuira datti ina midada en la direcziun. Sco quai che la psichiatria d’uffants e giuvenils scriva en ina communicaziun è il medi directiv Gian Andrea Giovanoli ì en pensiun la fin da favrer. El ha lavurà durant bunamain 30 onns per la psichiatria d’uffants e giuvenils en il Grischun.
La nova direcziun sa cumpona da trais persunas: Roman Spring, il responsabel da la psicologia, Maurizio Biondo, il manadar da scola, e Roland Kurmann, il responsabel da la pedagogia sociala. Tuts trais han lavurà gia dapi divers onns en la chasa da terapia Fürstenwald.
RR novitads 18:00