A Savognin è la stagiun stada curta. Enturn il Lai Barnagn vegn numnadamain investì en novs stabiliments. Ma enfin la fin d'avust han ins pudì recaltgar ina uschè gronda svieuta sco l'onn passà enfin la fin d'october. Uschia ch'ils responsabels èn cuntents cun las cifras.
Quai vala era per Glion. En il bogn Fontanivas han ins pudì dumbrar 41'200 entradas. Quai èn pli bleras ch'ils davos onns. Ins è dentant anc lunsch davent da l'onn da record, il 2003. Lura avevan ils responsabels pudì dumbrar 68'000 entradas.
Era a Cuira bunas cifras, ma betg a Vulpera
En la chapitala han ins gì ina fitg buna stagiun. Las cifras d'entradas èn pli autas ch'ils davos onns. Ma era qua è l'onn da record, il 2003, lunsch davent. Ins ha quest onn gì 30% pli paucas entradas che lura. Il motiv saja, che l'aura na saja betg stada buna il matg ed il zercladur. Il fanadur e l'avust han ils da Cuira dentant pudì notar fitg bunas cifras.
Auter vesa la situaziun ora a Vulpera. Là è il bogn avert ils mais fanadur ed avust. Il fanadur han ins anc gì fitg bunas cifras, sur la media. Tut auter lura l'avust. Là hajan ins gì in bun cumenzament, silsuenter sajan las cifras dentant stadas sut la media dals ultims onns. Il motiv n'enconuschan ils responsabels betg.
-
Bild 1 von 4. Il Lai Barnagn è mo stà avert enfin la fin avust. Enfin là han ins dentant pudì nudar bunas cifras d'entrada. Bildquelle: RTR.
-
Bild 2 von 4. Surtut durant il mais d'avust n'èn betg blers ir en il bogn avert a Vulpera. Bildquelle: RTR.
-
Bild 3 von 4. Uschè persul n'è il manader dal bogn a Glion, Cheikh Aziz, betg stà savens questa stad. Bildquelle: RTR.
-
Bild 4 von 4. Uschè bler spazi liber sco qua n'hai betg da savens questa stad en il bogn da l'Obere Au a Cuira. Bildquelle: MAD.
RR actualitad 17:00