-
Bild 1 von 5Legenda: Ina saiv dubla ed ina tabla infurmeschan il turist davart ina muntanera da vatgas mamma. RTR, Orlando Cadonau -
Bild 2 von 5Legenda: Saivs cun duas cordas valan sco impurtant punct da segirtad. RTR, Orlando Cadonau
-
Bild 3 von 5Legenda: Era sch’ils vadels èn pli lunsch davent da la muntanera. Els vegnan adina observadas da la mamma. RTR, Orlando Cadonau
-
Bild 4 von 5Legenda: Il cas ideal: Uschia vesi ora normalmain sch’ins s’avischinà ad ina muntanera vatgas mamma. Ella s’allontanescha. RTR, Orlando Cadonau
-
Bild 5 von 5Legenda: Vatgas mamma n'attatgan betg immediat mintga peduns. RTR, Orlando Cadonau
En general vala: vatgas mamma n'attatgan betg mintga turist ch’els entaupan. Tuttina ston ins avair adatg sch’ins entaupa si d’alp ina muntanera cun vatgas mamma. Tips co sa cuntegnair èn:
- Restar ruassaivels
- Tegnai il chaun vid la corda
- Observar
- Prender distanza
- Guntgir la muntanera
Per insumma savair distinguer sch’i sa tracta d’ina muntanera da vatgas mamma, ston ins resguardar las tablas d’infurmaziuns ch’èn avant mintga saiv da vatgas mamma.
Tge è capita dapi Laax?
Dapi l'accident mortal a Laax è ina massa schabegià. Ina gruppa dal chantun, Plantahof e BUL (SUVA da la agricultura), ha elavurà in catalog. Quest catalog sclerescha tge partida (chantun, vischnanca e manader d’alp) che ha da surpigliar tge responsabladad. Vinavant è vegnì preschentà avant in onn ina glista da controlla. Questa glista da controlla dat tips concrets per proteger sendas. Dus puncts principals èn:
- Tablas d’infurmaziun
- Saivs dublas enturn mintga senda
Tuttina restan dus problems. Per l’ina custan questas saivs fitg bler e chaschunan ina massa lavur. Per quai ch’entirs kilometers senda avessan da vegnir protegids. Per l'autra n'èn quest catalog da mesiras sco era la glista da check betg obligatoricas.
Per quest motiv èsi il pli impurtant da sensibilisar mintg’onn da nov ils manaders d’alp e turistichers davart la problematica da vatgas mamma e sendas. E quai è il pli grond svilup dapi il cass da Laax.
RR actualitad 08:00