Punct da partenza per scriver il rapport «Prevenziun cunter incendis da guaud 2030» è stà il grond incendi la fin 2016/entschatta 2017 a Soazza en Val Mesauc. 119 hectaras guaud èn quella giada brischadas giu – igl è dentant gartegià detg bain als responsabels (pumpiers, protecziun civila, militar, uffizi forestal etc.) da retegnair il grond fieu ed evitar ina catastrofa.
Ma pertge è quai gartegià? È quai be stà cletg? Tge schabegiass, sch'il fieu rumpess or en in'autra regiun dal Grischun? L'Uffizi chantunal da guaud e privels da la natira è ì suenter a questas dumondas.
Investiziuns da 20 milliuns francs fin il 2030
Il rapport ha mussà, ch'i dat anc bler da far, cunzunt en las regiuns dal nord dal Grischun:
En il sid dal chantun essan nus gia bain equipads. Uschia vegni uss a dar pli blers novs batschigls d'aua en la part dal nord.
La situaziun na saja per il mument dentant betg dramatica. Tuttina hajan ins decidì d'investir 20 milliuns francs fin l'onn 2030, per pudair agir meglier en cas d'urgenza.
- construcziun da 66 novs batschigls d'aua e renovaziun dad 8 lieus existents da tschiffar aua (custs: 19 milliuns francs)
- nov material da pumpiers cunter incendis da guaud per ils differents puncts da sustegn (custs: 1 milliun francs)
- pumpiers duain vegnir scolads e sensibilisads meglier tras furmaziun
- metter pli ferm paisa sin l'infurmaziun da la populaziun
-
Bild 1 von 5Legenda: Ina sperta acziun da tschiffar aua cun helicopters po evitar che l'incendi sa derasa spert. RTR, Pietro Jacomet -
Bild 2 von 5Legenda: Il helicopter tschiffa l'aua ord in foss provisoric. RTR, Pietro Jacomet
-
Bild 3 von 5Legenda: Era en material da pumpiers duaja vegnir investì fin il 2030. RTR, Pietro Jacomet
-
Bild 4 von 5Legenda: L'inspectur dals pumpiers Hansueli Roth mussa las cumplicaziuns tar in incendi da guaud: Cunzunt sche il fieu vegn da sa derasar en la terravegn la situaziun critica. RTR, Pietro Jacomet
-
Bild 5 von 5Legenda: Preschentaziun: Il helicopter duaja prender aua ord ils foss e stizzar cun quella il fieu en davostiers. RTR, Pietro Jacomet
RR novitads 10:00