Per blers fans èsi stà l'event da l'onn. Breitbild ha festivà 20 onns – e quella festa da natalizi è daventada gronda, fitg gronda: En la halla da la citad a Cuira han els dà il concert che saja stada lur show da la vita. Spetgà avevan els l'entschatta forsa 2'000 fans, stads èn els la finala avant 6'000 fatschas.
«Uschè gnervus na sun jau anc mai stà»
Breitbild saveva gia ordavant che la halla vegnia ad esser emplenida, damai che tut ils bigliets eran gia davent il zercladur. Per els è quai era stà in fitg grond squitsch da sa preschentar avant uschè blers fans sco era avant tut ils amis ed amias e la famiglia. Tuts sajan là, perquai saja quai per els sco ina gronda sentupada da classa. Sch'ins ha vis ils 6'000 fans ch'han sautà bun duas uras e mez tar lur songs favorits da Breitbild, ha quai vesì ora sco la pli gronda sentupada da classa ch'igl ha insumma dà a Cuira. Motiv avunda per Claudio Candinas da Breitbild per esser uschè gnervus sco anc mai:
La party da la vita?
Suenter la show da lur vita suonda la party da la vita, u betg?
