Inizià il project ha Giancarlo Caviezel ch'è gia 25 onns conmember da la GR Brass ch'aveva fin avant in onn anc gì num Brass surselva. Cunquai ch'els avevan adina dapli conmembers e conmembras, er dad autras regiuns, han els midà il num en GR Brass. Els sunan en la categoria d'elita, nua che las diesch meglieras bands dals ultims diesch onns sunan.
«Brass&Light»
Il project monstrus custa radund 250'000 francs. Sustegn survegn GR Brass da differents sponsurs, sco per exempel la promoziun da cultura Grischuna, la Confederaziun, differentas fundaziuns e sponsurs privats. La producziun «Brass&Light» pon ins giudair dals 30 da settember fin ils 2 d'october 2022 en la Stadthalle a Cuira cun radund 400 plaz per mintga concert. «Brass&Light» è in dals pli gronds events che la GR Brass hà realisà fin ussa. Il dirigent Gian Stecher ha durant il concert ina sfida supplementara; durant ch'el diregia, sto el mintgamai smatgar sin in buttun per ch'ils endretgs maletgs vegnan mussads sin la taila.
-
Bild 1 von 7. Preparativas. En la Stadthalle a Cuira vegn tut preparà per «Brass&Light». Bildquelle: RTR, Daniel Berther.
-
Bild 2 von 7. 560 meters quadrat. Sin ina taila da 70 meters lunghezza e bunamain 8 meters aultezza vegnan mussà ils maletgs. Bildquelle: RTR, Daniel Berther.
-
Bild 3 von 7. 400 plaz. En la Stadthalle datti 400 plaz per guardar e tadlar «Brass&Light». Bildquelle: RTR, Daniel Berther.
-
Bild 4 von 7. Grondas dimensiuns. Sin la taila vegnian mussà maletgs tar la musica che la GR Brass suna. Bildquelle: RTR, Daniel Berther.
-
Bild 5 von 7. Iniziant da «Brass&Light». Giancarlo Caviezel è gia 25 onns conmember da la GR Brass ed iniziant dal project. Bildquelle: RTR, Daniel Berther.
-
Bild 6 von 7. Dirigent. Gian Stecher, il dirigent da la GR Brass. Bildquelle: RTR, Daniel Berther.
-
Bild 7 von 7. President. Daniel Derungs, predisent da la GR Brass. Bildquelle: RTR, Daniel Berther.