Il stemprà da favugn ha fatg siglir ad aut ier saira la temperatura en intgins lieus en Svizra. Tenor MeteoNews hai dà en las vals alpinas 6 fin 9 grads. En ils auts hai dà ferms suffels. Sin il Piz Martegnas sur Savognin hai dà suffels da fin a 119 kilometers per ura, sco Meteo Svizra annunzia. Il pli ferm hai sufflà sin il Chasseral cun enturn 137 kilometers per ura.
Grond privel da lavinas
Nà da las alps bernaisas, en Svizra centrala fin en las muntognas grischunas è il privel da lavinas grond, sin il stgalim 4, ha annunzià l'Institut per lavinas a Tavau. Il favugn transporteschia la naiv a moda intensiva. Las accumulaziuns frestgas da naiv pon vegnir messas en moviment fitg tgunsch ed i saja er da quintar cun lavinas spontanas, en spezial la notg. Local poi era dar lavinas da naiv vedra. Là è il privel il pli aut sin spundas vers nord sur 2'000 meters.
Or dal Minisguard: