Il team saja perquai vegnì rinforzà cun 10 ulteriuras collavuraturas e collavuraturs, sco quai ch'il substitut da la media chantunala Jörg Schneider ha ditg envers il schurnal regiunal dad SRF.
Entant hajan ins er puspè engaschà la protecziun civila. Ils ultims dis hajan ins stuì metter en quarantina entiras gruppas. En il Grischun sa chattan il mument bun 1'000 persunas en quarantina e 193 èn en isolaziun. Mardi ils 13 d'october vul la regenza grischuna infurmar davart la situaziun actuala.
Il Grischun ha dapi in temp in'atgna partiziun da corona.
