Radund 700 persunas èn stadas la sonda al festival da musica «Arcas Rock» sin la plazza en la citad veglia da Cuira. Tranter auter èn era sa preschentads l'indigen Okto Vulgaris e Curdin Nicolay che fa indie-pop cun texts rumantschs. Ils acts da la sonda saira:
- Okto Vulgaris
- Curdin Nicolay
- Annie Taylor
- Zian
- Tocotronic
Ils organisaturs scrivan en la communicaziun ch'il highlight saja stà il concert da la band Tocotronic da Hamburg. Quai è stada la quarta ediziun da l'Arcas Rock, organisà da l'uniun «Wohlklang» che ha la finamira dad organisar en il Grischun festivals da musica d'auta qualitad ed era dar ina plattafurma ad artists ed artistas regiunalas.