Il suveran da Schiers ha elegì Anna-Margreth Holzinger sco nova presidenta communala. Quai scriva la Südostschweiz. La politicra da la PLD entra en uffizi il prim da schaner 2024. La dunna da 64 onns succeda uschia a ses collega da partida Ueli Thöny che n’ha betg pli candidà per in’ulteriura perioda d’uffizi.
En pli ha la radunanza communala da Schiers approvà il preventiv da l’auter onn. Quel prevesa in surpli da 62'000 francs. Il pe da taglia resta tar 109% da la taglia chantunala simpla.
