Suenter la radunanza communala il venderdi sto Schiers tschertgar in nov president u ina nova presidenta. Tar la radunanza cun 176 persunas preschentas hai dà in eclat. Uschia descrivan las gasettas Somedia la situaziun. Il president en uffizi Ueli Thöny (PLD) è numnadamein betg vegnì reelegì, in'autra persuna ha schizunt survegnì dapli vuschs.
Ueli Thöny ch'è dapi il 2018 president communal da Schiers era sa mess a disposiziun sco sulet, n'ha dentant betg survegnì tantas vuschs sco Nico Muzzarelli. Il pli absolut n'ha dentant nagin dad els cuntanschì. Sin quai ha Thöny retratg sia candidatura. Er Muzzarelli na veglia betg l'uffizi da president, ha lez declerà a la gasetta. La vischnanca ha annunzià che l'elecziun dal presidi saja ils 17 da november.