Firmas grischunas ch'han da sbatter pervi da la crisa da corona, pon davent dad immediat dumandar credits da banca garantidas dal chantun. Quest sustegn cumplettescha las mesiras en favur da liquiditad da la Confederaziun, sco il chantun scriva.
Interpresas cun sedia en il Grischun ch'han nizzegià dal tut l'agid federal, pon far la dumonda da credit tar ina da las bancas participantas. Dapli infurmaziuns porscha la pagina d'internet da l'Uffizi chantunal per economia e turissem.