Encunter in plevon da l'uvestgieu Cuira datti ina denunzia penala. Il portal da novitads kath.ch ha scrit che la procura publica haja confermà quai. Ed er l'uvestgieu Cuira ha prendì posiziun en chaussa en ina communicaziun a las medias. Sco quai che l'uvestgieu scriva, haja l'uvestg decretà ina examinaziun preliminara.
L'uvestg Bonnemain saja profundamain commovì. Sin basa dal dretg ecclesiastic haja el prendì mesiras preventivas adequatas. I na saja betg lubì da dar dapli infurmaziuns. E la presumziun d’innocenza valia sco en mintga cas.
Ils 24 da november haja l'uvestgieu survegnì ina denunzia. En quella vegnian numnads differents delicts. Tranter auter vegn in dals plevons da l'uvestgieu accusà pervia d'abus sexual. Ils cas duain esser schabegiads l'onn 2012.