Ina pratica ch'è vegnida crititgada dal procuratur public extraordinari è vegnida scumandada a la Dretgira chantunala dal Grischun. I sa tracta da la pratica ch'ins ha sur decennis mintgamai laschà formular il parsura ils detagls d'ina sentenzia suenter che quella è vegnida discussiunada en il collegi.
Pervi da questa pratica da delegar era l'anteriur president da la dretgira vegnì en mira da la giustia. Sco Remo Cavegn, il president actual da la Dretgira chantunala ha declerà al schurnal regiunal da SRF, na possia betg pli dar uschè in cas.
En general saja la dretgira sin buna via da midar ils puncts ch'ins haja crititgà. Anc adina ina spina saja il problem cun las pendenzas. Là survegn la dretgira dentant a partir da proxim onn agid, cun dus derschaders supplementars.
