La Banca Chantunala Grischuna vul limitar sia dependenza da la fatschenta da tschains e s'engascha tar la firma Investment Manager Twelve Capital Holding SA. Ella surpiglia radund 30% da la firma spezialisada sin investiziuns en il sectur d'assicuranzas, ha communitgà la Banca Chantunala Grischuna.
Cun quest engaschi quinta la banca – tenor atgnas indicaziuns – da rinforzar sia posiziun sco banca d'investiziuns, tant en il Grischun sco er sur ils cunfins ora.
