Il rectur Jürg Kessler resta sur il temp da pensiunament a la testa da la Scola auta spezialisada dal Grischun, FHGR. Il cussegl da la scol'auta ha elegì Kessler per dus ulteriurs onns. En il chantun Grischun èsi pussaivel da prolungar in engaschament fin trais onns sur il temp da pensiunament ora, sch'i dat interess surordinads.
Las grondas sfidas dal mument pretendian ina cuntinuitad, ha communitgà la FHGR. Quai sajan la pandemia, ina nova strategia ed ils novs stabiliments planisads, sco era da furmar ina rait naziunala. Jürg Kessler resta uschia fin la fin dal 2024 rectur da la PHGR.