Klaus Schwab dat giu ses post da schef operativ dal WEF, il Forum mundial d'economia, a Tavau. Quai ha l'um dad 86 onns scret en in e-mail al persunal. Dapi l'onn 1971 – l'onn da fundaziun dal WEF – è Schwab stà il mainafatschenta.
Schwab anc mainafatschenta enfin il schaner 2025. El banduna pia ses post anc avant la proxima ediziun dal WEF a Tavau. A partir da lura mida el funcziun e sa concentrescha sin il post da directur dal cussegl da fundaziun. Tgi che succeda a Schwab sco mainafatschenta n'è anc betg cler.
Klaus Schwab a fundà il WEF a Tavau l'onn 1971. Il domicil da la fatschenta sa chatta uss a Genevra. L'organisaziun dumbra en tut 600 collavuraturs e collavuraturas – a Genevra, New York, Peking e Tokio.