En l'Italia dastgan museums ed attracziuns puspè avrir davent da damaun quai suenter passa dus mais serrada pervi dal coronavirus. Mo paucs vulan dentant far quai gia l'emprim di.
Il colosseum a Roma vegnia avert pir la fin da matg ha communitgà ina pledadra. Enfin lura vegnian realisadas reglas per la segirtad, per exempel scanners che mesiran la temperatura.
Era il museum dal Vatican u il lieu d'exchavaziun Pompeji sa preparan anc sin l'avertura. Turists da l'exteriur na dastgan dentant anc betg vegnir en l'Italia.