Spezias d'animals e plantans che spareschan, il nivel da la mar che crescha, chalira mortala, mancanza dad aua. Quai èn be in pèr segns che mussan la tragica dal stgaudament dal clima.
Investiziuns èn necessarias
Da spetgar n'è nagina opziun pli. Ils proxims 10 onns ston ins investir enormamain per impedir gronds donns e custs. Adattaziuns èn en blers cas charas e cumplexas. Sch'ils carstgauns sa tegnian vid da las cundiziuns da reducir las emissiuns da gas, pudissian quellas vegnir sbassadas, uschia il cussegl mundial dal clima.
Il pli fitg pertutgads èn pajais paupers
Cunzunt pertutgada è la natira. Da proteger la diversitad biologica è impurtant per il svilup climatic. Pertutgadas il pli extrem dal stgaudament dal clima èn pajais paupers, nua ch'il sistem politic na funcziunescha betg ed il provediment da sanadad è limità.
