En il stadi american Montana ha cumenzà in process da dretgira, nua che plirs uffants e giuvenils han accusà il stadi, perquai ch'el haja cuntrafatg cunter ses dretg constiziunal d'avair in ambient schuber e saun. L'advocat dals accusaders ch'èn tranter 5 e 22 onns ha menziunà ils donns medicinals e psicologics che sajan ina consequenza da la midada dal clima.
L'advocat dal stadi federativ ha respundì sin quai che las emissiuns da CO2 da Montana sajan simplamain memia pitschnas per far ina differenza. Ulteriurs process pudessan suandar, perquai ch'er en auters stadis americans han uffants e giuvenils purtà plants.
