Quest favrer poi dar ina sitgira da record en Frantscha. Dapi il cumenzament da mesiraziun 1959 hai anc mai dà 31 senza plievgia. Il servetsch d'aura Météo France ha annunzià mardi la perioda da sitgira. Er sch'i dess anc intgins guts la fin dal mais, vegni ad esser in dals pli sitgs dapi l'entschatta da las mesiraziuns il 1959.
Dapi l'avust 2021 sajan tut ils mais stads pli sitgs che normal. Er l'aua sutterrana ha patì ferm da la sitgira ed è periclitada.