In nov rapport davart fenomens anormals nun-identigitgads n'ha betg purtà novas. Vi dal rapport ha la NASA lavurà tschintg onns. Il rapport pretenda dentant dapli stentas davart tals fenomens.
Avant 2 onns aveva il departament da defensiun american publitgà in rapport che conferma almain 140 fenomens nunexplitgabels. Ed il matg avevan collavuraturs dal servetsch secret e dus pilots raquintà da tals fenomens en in'audiziun en il parlament ed appellà d'investir dapli en la perscrutaziun da tals fenomens.
La NASA rinforza uss la perscrutaziun da fenomens anormals nun-identifitgads. Tenor il schef da l'agenzia spaziala americana Bill Nelson creescha la NASA in post d'in directur per talas perscrutaziuns. En mira ha la NASA da rimnar dapli datas per pudair sclerir meglier tals fenomens. Da l'autra vart però era per allontanar questa discussiun dal sensaziunalissem e la integrar en la scienzia, ha ditg Nelson.