Il Premi Nobel da chemia va quest onn a trais perscrutaders che lavuran en ils Staids Unids: Moungi G. Bawendi, Louis E. Brus ed Alexei I. Ekimov. Quai annunzia l'Academia svedaisa da las scienzis a Stockholm. Ils trais perscrutaders vegnan onurads per la scuverta e la sintesa da puncts da quants. Questas structuras vegnan era numnadas atoms artifizials. Els vegnan tranter auter duvrads en televisiuns modernas ed èn impurtants per computers da quants.
Adattà al tema:
