Ils pajais da la regiun da l'Amazonas vulan prender mesiras cuminaivlas per proteger meglier il guaud tropic e da cumbatter incendis da guaud. En vista als gronds incendis en la regiun da l'Amazonas vegn tranter auter examinà ina surveglianza da satellit per chattar a temp incendis.
Represchentants da la Brasilia, Bolivia, Columbia, Ecuador, Guyana, Peru e Surinam èn vegnids ensemen en la Columbia ad in inscunter suprem. Ils pajais han deliberà la decleranza, nua ch'els han er definì ina rait da cooperaziun. Vitiers vulan ils pajais barattar infurmaziuns davart runcadas illegalas.
RR novitads 06:00
