En vista a la nova varianta «Omicron» che sa derasa spert ha la Gronda Britannia convocà in inscunter da las ministras e dals ministers da sanadad dals G7. Quels vegnian a discutar oz davart il svilup actual, ha annunzià la regenza a Londra. Quella presidiescha anc enfin la fin da l’onn ils set stadis gronds industrials.
Part da l’allianza fan er la Germania, la Frantscha, l’Italia, il Canada, ils Stadis Unids ed il Giapun.
En intgins pajais è la nova varianta gia arrivada. Quai en Germania, Gronda Britannia, Canada, Danemarc, Belgia, Tschechia ed era en l'Italia. Ils Pajais Bass han annunzià 13 cas da la nova varianta dal coronavirus.
