Ch'Elon Musk vul midar il num da Twitter e numnar sia plattafurma en l'avegnir «X» haja cunzunt da far cun il fatg che la purschida vegnia midada. I na saja betg uschia che l'interpresa survegnia in auter num e fetschia vinavant il medem.
Glindesdi da las 11:18 è il Logo vegnì midà sin la pagina d'internet da twitter. Ed er la pagina X.com maina directamain sin la pagina twitter.com.
Engrondir la plattafurma per auters dievers
Il num Twitter saja stà en urden, cura ch'i è cunzunt vegnì publitgà novitads curtas cun 140 segns. Twitter saja memia pitschen per ses servetschs futurs. Musk vul far or da Twitter ina plattafurma per tut – sco per exempel far fatschentas da finanzas. En la China datti gia ina tala super-app che cuvra praticamain l'entira vita digitala ch'ha num là Wechat.
