Il servetsch da novitads curtas Twitter ha in nov concurrent. Questa app sa numna «Threads» ed è vegnì sviluppà da Meta, il concern mamma da Facebook. L'app è sco Twitter concepida per trametter ad auters utilisaders ed utilisadras messadis curts. Plinavant è ella colliada cun Instagram, l'autra plattafurma sociala ch'appartegna Meta.
Tenor spezialists vala la nova purschida sco concurrenza la pli ferma fin ussa per Twitter che vegn adina puspè crititgà suenter ch'Elon Musk ha surprendì il concern. L'app na vegn per il mument betg ad esser disponibla en l'Europa. Meta renviescha en quest connex sin problems cun il dretg da protecziun da datas.
audio
Per tadlar: las novitads da las 06:00
ord RTR Audio dals 06.07.2023.
laschar ir. Durada: 4 minutas 45 Secundas.
