Omosexuals, bisexuals, transsexuals ed intersexuals èn spezialmain periclitads pervi da la crisa da corona. Quai ha avertì Antonio Guterres il secretari general da las Naziuns Unidas.
I dettia rapports da pajais nua che la polizia fetschia maldiever da las mesiras pervi dal virus, per prender en il focus persunas da la communitad da LGBTQ+. Els sentian ina pli ferma stigmatisaziun ed obstachels cura ch'els veglian agid medicinal.
Oz è il di internaziunal encunter l'omofobia. Il di va enavos sin l'onn 1990, cura che la l'organisaziun mundiala per sanadad ha stritgà la omosexualitad da la glista per malsognas psichicas.