En il rom d’ina enclegientscha paja la UBS uschia 1,4 milliardas dollars, sco la banca gronda communitgescha. Cun quai sajan regladas tut las pretensiuns dal ministeri american en connex cun il dretg civil. La summa hajan ins già mess da la vart durant autras periodas, uschia che questa enclegientscha na vegnia betg ad avair in effect sin il resultat da fatschenta da quest onn.
Tar il cas vai per ipotecas en ils Stadis Unids ch'èn vegnidas pachetadas en products da finanzas cumplitgads. Quels èn lura vegnids vendids a investuras ed investurs senza che quels han pudì stimar endretg la ristga. Il cas ch'è ussa vegnida reglà era vegnì avert il 2018.