L’après-ski para er da giugar ina gronda rolla en connex cun la derasaziun da la varianta omicron. Quai mussan datas da l'Austria. Sco quai che l'agentura austraica per sanadad ha dà enconuschent sajan 70 fin 80% dals cas aifer il sectur temp liber d'attribuir a l'après ski. Tenor in rapport da sesida intern, ch'è en ils mauns da l'agentura da novitads APA, saja frappant quants clusters ch'ins haja identifitgà en il sectur d'après ski. En pendicularas e gondlas para il risico da s’infectar dad esser pli pitschen.
Clusters
Ina gronda part dals clusters en Austria han lur origin a Salzburg ed en il Tirol. Dentant betg be il turissem fa quitads. En tut ils Bundesländer han ins era en chasas d'attenpads constatà plirs cas da corona. A Vienna vegnan per exempel duas occurenzas d'artists numnads sco clusters.
