En la provinza British Columbia en il Canada han las autoritads appellà a 35’000 persunas da bandunar lur da chasa. E circa medem blers duain sa preparar sin in'eventuala evacuaziun.
Il primminister Justin Trudeau ha empermess ulteriur agid militar per cumbatter il fieu. Il Canada cumbatta gia dapi intgins mais cunter ils incendis.
En Grezia èn ruts ora ulteriurs incendis da guaud, sco per exempel sin l'insla Euböa, sco er en il parc naziunal Dadia en l'ost dal pajais. Er en autras regiuns han plirs lieus stuì vegnir evacuads. Ferms vents engrevgeschan da stizzar ils fieus.
A Teneriffa, l'insla spagnola che tutga tar las Canaras hai il davos dà progress en il cumbat cunter las flommas. Il mender saja passà, ha il schef da la regenza da las Canaras ditg.
Ins na possia anc betg dir ch'il fieu saja sut controlla. I dettia dentant speranza che tscherts dals radund 13'000 evacuads ed evacuadas possian turnar proximamain en lur chasas.