A Johannesburg èn almain 73 persunas mortas tar in incendi en il center da la citad sidafricana. Ulteriuras 52 persunas sajan blessadas. Quai tenor indicaziuns da las forzas da salvament da la citad la pli gronda da l'Africa dal sid. Il fieu ha ars en il quartier central commerzial.
Plirs tozzels da persunas sajan vegnidas evacuadas. Quantas persunas ch'eran en il bajetg da tschintg auzadas n'è betg cler. Il bajetg na saja betg abità, mabain occupà illegalmain da persunas. En il center da Johannesburg èn bleras chasas vidas, che persunas senza suttetg han occupà. La raschun per il fieu n'è betg enconuschenta.
