Il chancelier federal da l'Austria Werner Faymann ha appellà a la Germania da prender si directamain fugitivs che vegnan da la Grezia e da pajais vischins da la Siria.
La Germania duaja fixar ina quota dal di e tenor quella prender si ils fugitivs, ha Faymann ditg envers la gasetta austriaca “Kurier”. Dapi in pèr dis laschan ils pajais da la ruta dal Balcan viagiar vinavant damain fugitivs cun il sustegn da l'Austria. En consequenza restian adina dapli persunas bloccadas en la Grezia.
